MILKY想係呢度預先祝大家聖誕快樂...多謝大家一路以黎既幫助...有邊個諗到...今時今日...我地既MILKY可以係屋裡面行黎行去...仲可以係契媽屋企過黎緊既聖誕節哩...

其實...大部份時間MILKY都在籠中渡過...不過偶爾也是會放他出來行下既...趁剛拖完地...乾乾淨淨的...便放了衰仔出黎鬆一鬆筋骨...運動一下...

不知是不是困了太久啦...MILKY出黎...第一時間居然係想搵地方匿...不過...我屋企可以匿貓既空位...臭MILK全部都捐唔入...想唔認肥都唔得啦...

我屋企哩...就無一個無敵大海景同吧台俾milky啦...不過...見今日陽光好好...都放佢出籠邊走走...

MILKY又回到我家中了...說實在的...之前工作很忙...也無法一直很緊貼的跟進著臭MILK的情況...只知道傷口比我之前去探望他時...沒有很大的進展及惡化...不過皮膚敏感部份卻好了不少...我有點奇怪...為何每次在我家中...都是皮膚敏感得很嚴重...後來想起之前清潔籠時...發現有不少地方已經起了锈...想或許是這個原因吧...

於是...特地借多一個2呎包膠籠...就是這樣...MILKY今次住進了....豪.華.籠.

Milky︰有d姐姐好似唔係好信我同小虹真係打者愛也喎

咦..好野黎喎~

其實呢篇blog應該早少少出既...奈何milky既姨姨/契媽我...太太太懶散啦...同milk豬既fans講聲唔好意思先...

話說之前milk豬lam傷口令傷口大左好多...拿拿臨過去睇一睇佢...見佢精神尚可...只係十分之咁痴身...真係抱到我手軟...大家都知佢既體重真係唔講得笑架嘛！幫佢洗傷口同檢查下...傷口真係大左好多...而且多左好多分泌...但佢媽媽又有幫佢探熱...無發燒...咁我地排除左係受感染...再回想下...究竟佢媽媽湊同我湊時既分別係咩哩...發覺就係上次醫生開左枝spray俾佢噴敏感既位...而我就係用藥膏...所以我地嘗試轉返用藥膏...結果真係少返d分泌同埋傷口無再擴大...

星期日陽光普照

放臭Milk出黎吧枱晒下太陽